A empresa galega Englishpanish anunciou a abertura dunha sucursal no Río de Xaneiro, no corazón de Copacabana, convertíndose na primeira axencia de tradución de toda a Península Ibérica en contar con oficinas na Península e América Latina. Con esta decisión, a empresa pretende dar un mellor servizo nas combinacións lingüísticas nas que está especializada, e ás que lle debe o nome (“englishpanish”): todas as linguas hispanas (no sentido orixinario de ibéricas) –castelán, galego, catalán, euskera e portugués- alén do inglés.

A oficina do Río mellorará o servizo de tradución ao portugués brasileiro –moi diferente do de Portugal e con máis de 200 millóns de falantes- e o español de Latinoamérica –máis de 400 millóns de falantes. Esta operación está vinculada tamén á colaboración que mantén englishpanish cun dos despachos de avogados máis importantes do mundo, nunha das áreas con maior know how da empresa, a tradución xurídica-financeira.

A axencia de tradución galega demostra, máis unha vez, a súa proxección internacional, con clientes de máis de trinta países. A salientar, varias corporacións internacionais, entidades bancarias e despachos de avogados. Englishpanish colabora ademais con máis de cincuenta universidades de todo o mundo.

Sobre Englishpanish

Englishpanish é unha axencia especializada na tradución de documentación técnica, científica, académica, xurídica, financeira e literaria, onde se garantiza a calidade editorial dos proxectos cun mínimo de dous tradutores.

Alén diso, conta cunha rede de intérpretes experimentados que abrangue distintos idiomas e especialidades, e ofrece servizos de interpretación consecutiva, de ligazón e simultánea.

Por último, Englishanish Colabora con máis de corenta universidades e preto de 200 grupos de investigación na revisión de estilo e gramatical de traballos escritos por investigadores non nativos, para a súa publicación en revistas internacionais.

Datos de contacto

® Englishpanish Translation & Communication, s.l.

Teléfono: +34 881 93 20 92

E-Mail : englishpanish@englishpanish.com

Web : www.englishpanish.com